काठमाडौं । नेपाली कांग्रेसका नेता गगन थापाले शेरबहादुर देउवा नेतृत्वको केन्द्रीय कार्यसमिति भंग भइसकेको दाबी गरेका छन्।
विशेष महाधिवेशनलाई सम्बोधन गर्दै उनले देउवा नेतृत्वको समिति अब वैधानिक रूपमा नरहेको र पार्टी नयाँ नेतृत्व चयनको प्रक्रियामा प्रवेश गरिसकेको बताए।
थापाका अनुसार महाधिवेशनमा उपस्थित प्रतिनिधिहरूको बहुमत आफूहरूकहाँ रहेकोले आफूहरू नै आधिकारिक पक्ष भएको स्पष्ट भएको छ।
उनले भने, “यहाँ २४८८ महाधिवेशन प्रतिनिधि हुनुहुन्छ। निर्वाचन आयोगमा पनि हामीले जानकारी गराइसकेका छौँ। देउवा नेतृत्वको समिति भंग भइसकेको छ र हामी नयाँ नेतृत्व चयनको प्रक्रियामा रहेका छौँ। यो कुरा सिंगो देशले सुनिरहेको छ—यही हो नेपाली कांग्रेस।”
थापाले यसअघि पनि पटक–पटक केन्द्रीय कार्यसमितिमा परिवर्तनको विषय उठाए पनि आफ्ना मागहरू बेवास्ता गरिएको आरोप लगाए।
प्रतिक्रिया