काठमाडौं । नेपाली कांग्रेसका नेता डा. नारायण खड्काले प्रतिनिधिसभा सदस्यका लागि आफ्नो नाम उम्मेदवार सूचीबाट हटाउन आग्रह गरेका छन् ।
खड्काले नेपाली कांग्रेसको केन्द्रीय कार्यालयलाई सम्बोधन गर्दै पत्र पठाएर कोशी प्रदेश कार्यसमितिले उदयपुर क्षेत्र नम्बर १ बाट प्रतिनिधि सभा सदस्यका लागि प्रस्तावित उम्मेदवारहरूको सिफारिस सूचीबाट नाम हटाउन माग आग्रह गरेका हुन् ।
पत्रमा उनले आफ्नो अनुरोध केन्द्रीय कार्यालयको सम्बन्धित निकायसम्म जानकारी गराइदिन समेत आग्रह गरेका छन् ।
डा. खड्काले पत्रमा भनेका छन्, “नेपाली कांग्रेस कोशी प्रदेश कार्यसमितिबाट उदयपुर क्षेत्र नम्बर १ को प्रतिनिधिसभा सदस्य २०८२ का लागि उम्मेदवारहरूको प्रस्तावित सिफारिस सूचीमा मेरो नाम राखिएको हुँदा सो सूचीबाट मेरो नाम हटाइदिनका लागि नेपाली कांग्रेसको केन्द्रीय कार्यालयको सम्बन्धित निकायलाई जानकारी गराइदिनुहुन अनुरोध गर्दछु।”
प्रतिक्रिया