काठमाडौं । आगामी प्रतिनिधि सभाको निर्वाचनमा उम्मेदवारी दर्ता गराउन फरक फरक धरौटी रकम निर्धारण गरिएको छ । आमरुपमा प्रतिनिधिसभा सदस्यको उम्मेदवार बन्न १० हजार रुपैयाँ धरौटी राख्नुपर्ने भएपनि निश्चित वर्गलाई भने फकर धरौटी रकम तोकीएको हो ।
निर्वाचन आयोगले आइतबार सूचना प्रकाशित गर्दै उम्मेदवारी दर्ता गर्दा १० हजार रुपैयाँ धरौटी बुझाउनुपर्ने उल्लेख गरेको छ।
आयोगले उम्मेदवारी दर्ता गर्दा १० हजार रुपैयाँ सम्बन्धित निर्वाचन अधिकृतको कार्यालयमा धरौटी जम्मा गरेको रसिद वा भौचर समावेश गर्नु पर्ने जनाएको छ । महिला, दलित, अल्पसंख्यक समुदाय र आर्थिक रुपमा विपन्न उम्मेदवारले भने ५ हजार रुपैयाँ धरौटी राख्नुपर्ने आयोगको सूचनामा उल्लेख छ । आयोगले महिला र दलित वा अल्पसंख्यक समुदाय वा आर्थिक रुप्ले विपन्न उम्मेदवारको हकमा तोकिएको धरौटी रकममा ५० प्रतिशत छुट हुने जनाएको छ
आयोगका अनुसार आर्थिक रुपले विपन्न व्यक्तिले सम्बन्धित स्थानीय तहबाट सिफारिस ल्याउनुपर्नेछ। प्रतिनिधि सभा सदस्यका लागि माघ ६ गते उम्मेदवारी दर्ता गर्ने समय तोकिएको छ।
प्रतिक्रिया