काठमाडौं । आउँदो फागुन २१ गते हुने प्रतिनिधिसभा सदस्य निर्वाचनका लागि मनोनयनपत्र दर्ता गराएका उम्मेदवारमध्ये ४९ जनाले उम्मेदवारी फिर्ता लिएका छन् ।
निर्वाचन आयोगले शुक्रबार आयोजित पत्रकार सम्मेलनमार्फत यसबारे जानकारी दिएको हो । आयोगका प्रवक्ता नारायणप्रसाद भट्टराईका अनुसार तोकिएको समयभित्र ४९ जनाले उम्मेदवारी फिर्ता लिएका हुन् ।
त्यसैगरी, पाँच जना उम्मेदवारविरुद्ध दाबी–विरोध परेकोमा एक जनाको उम्मेदवारी खारेज भएको आयोगले जनाएको छ ।
उम्मेदवारी फिर्ता लिनेमा नेकपा (एमाले), राष्ट्रिय प्रजातन्त्र पार्टी (राप्रपा), प्रगतिशील लोकतान्त्रिक पार्टी (प्रलोपा), उज्यालो नेपाल पार्टीलगायत विभिन्न राजनीतिक दलबाट मनोनयनपत्र दर्ता गराएका उम्मेदवारहरू रहेका छन् ।
केही स्वतन्त्र उम्मेदवारहरूले पनि उम्मेदवारी फिर्ता लिएको आयोगले जानकारी दिएको छ ।
प्रतिक्रिया