काठमाडौँ । पोखराबाट काठमाडौँतर्फ आउँदै गरेको यात्रुबाहक बस दुर्घटना हुँदा १७ जनाको मृत्यु भएको छ । धादिङमा सोमबार बिहान भएको बस दुर्घटनाबाट १७ जनाको मृत्यु भएको र २४ जना घाइते भएको प्रहरीले जनाएको छ ।
बेनिघाट रोराङ गाउँपालिका–५ भैंसिगौडा स्थित पृथ्वी लोकमार्गमा सोमबार बिहान करिब १ः३० बजे पोखराबाट काठमाडौँतर्फ आउँदै गरेको ग १ ख १४२१ नम्बरको यात्रुबाहक बस त्रिशूली नदीमा खसेर दुर्घटना भएको हो ।
दुर्घटना लगत्तै सशस्त्र प्रहरी बल नेपालको बिपद् व्यवस्थापन तालिम शिक्षालय कुरिनटारबाट गोताखोर टोली सहित नेपाल प्रहरी र सेनाको टोली उद्धारमा खटिएको थियो ।
प्रहरीका अनुसार मृत्यु भएका १७ जनाको शव घटनास्थलमा नै रहेको छ । घाइते २४ जनालाइ उद्धार गरेर विभिन्न अस्पताल लगिएको सशस्त्र प्रहरीका सहप्रवक्ता डीएसपी शैलेन्द्र थापाले बताए । उनका अनुसार मृतक तथा घाइतेको सनाखत कार्य जारी रहेको छ ।
घटनाबारे थप अनुसन्धान भइरहेको बताइएको छ ।
प्रतिक्रिया