काठमाडौँ । धादिङमा भएको बस दुर्घटनामा परि घाइते भएकाहरुमा २ जनाको मृत्यु भएको छ । सो दुर्घटनाबाट मृत्यु हुनेको सङ्ख्या १९ पुगेको छ । घटनास्थलमै १७ जना र उपचारका क्रममा थप २ जनाको मृत्यु भएको सशस्त्र प्रहरीले जनाएको छ ।
पोखराबाट काठमाडौँ आउँदै गरेको ग १ ख १४२१ नम्बरको यात्रुवाहक बस गएराति बेनिघाट रोराङ गाउँपालिका–५ भैंसीगौडास्थित पृथ्वी राजमार्गबाट त्रिशूली नदीमा खसेर दुर्घटना भएको थियो ।
दुर्घटनालगत्तै उद्धारका लागि सशस्त्र प्रहरी बल नेपालको विपद् व्यवस्थापन बेस आदमघाटबाट डीएसपी सुनिल गिरीको कमान्डमा टोली खटिएको थियो भने नेपाल प्रहरी, नेपाली सेना र स्थानीय समेत उद्धारका खटिएका थिए ।
दुर्घटनामा अन्य १९ जना घाइते भएको र उनीहरुको धादिङ र काठमाडौँमा उपचार भइरहेको शसस्त्र प्रहरीका सहप्रवक्ता शैलेन्द्र थापाले जानकारी दिए । दुर्घटनाको कारण बारे प्रहरीले अझै खुलाएको छैन ।
प्रतिक्रिया