नवलपरासी । प्रतिनिधिसभा निर्वाचन हुन एक साता बाँकी रहँदा राष्ट्रिय स्वतन्त्र पार्टी ९रास्वपा० नवलपरासीका सभापति महेन्द्र सिंह ठकुरी नेपाली कांग्रेसमा प्रवेश गरेका छन् ।
नवलपरासी बर्दघाटको चौपतामा आयोजित कांग्रेसको चुनावी सभामा ठकुरी औपचारिक रूपमा कांग्रेसमा समाहित भएका हुन् । उनलाई कांग्रेसका केन्द्रीय उपसभापति विश्वप्रकाश शर्माले खादामाला ओढाएर पार्टीमा स्वागत गरेका थिए ।
निर्वाचनको मुखमा भएको यस राजनीतिक घटनालाई नवलपरासीको चुनावी समीकरणसँग जोडेर हेरिएको छ । ठकुरीको कांग्रेस प्रवेशले स्थानीय तहमा दलहरूको गतिविधि थप तीव्र बनेको छ ।
प्रतिक्रिया