सल्यान । राष्ट्रिय स्वतन्त्र पार्टी (रास्वपा)को चुनाव प्रचारमा प्रयोग भइरहेको एक गाडीबाट मदिरा तथा खाद्यान्न सामग्री फेला परेपछि प्रहरीले नियन्त्रणमा लिएको छ।
कर्णाली प्रदेश-०१-०१८ च ०४२९ नम्बरको बोलेरो जिप सोमबार बिहान नियन्त्रणमा लिइएको प्रहरीले जनाएको छ। निर्वाचन आचारसंहिता विपरीत मदिरा र खाद्यान्न सामग्री बोकेर प्रचारमा हिँडेको पाइएपछि गाडी नियन्त्रणमा लिइएको प्रहरीले बताएको छ ।
उक्त गाडीबाट ७ कार्टुन रक्सी, २ कार्टुन बियर, २ बोरा चामल र ३ कार्टुन खाने तेल बरामद गरिएको छ।
प्रहरीका अनुसार गाडी सल्यानको सल्लिबजारबाट खौरातर्फ जाँदै गरेको अवस्थामा जाँचका क्रममा नियन्त्रणमा लिइएको हो। गाडीमा रास्वपाको झण्डा, ब्यानर तथा साउण्ड सिस्टमसमेत फेला परेको बताइएको छ। घटनाबारे थप अनुसन्धान भइरहेको प्रहरीले जनाएको छ।
प्रतिक्रिया