काठमाडौं । नेपालमा सफलतापूर्वक आम निर्वाचन सम्पन्न भएकोमा भारतले स्वागत गरेको छ। उत्साहजनक सहभागिताका साथ नेपालमा लोकतान्त्रिक जनादेशको प्रयोग भएको भन्दै भारतले स्वागत गरेको हो ।
‘गत वर्षको असामान्य अवस्थाको पृष्ठभूमिमा आयोजित यो चुनाव सफलतापूर्वक सम्पन्न गरेकोमा हामी प्रधानमन्त्री सुशीला कार्की, सरकार र नेपालका जनतासाथै सरोकारवालाहरूलाई बधाई दिन्छौँ,’ भारतीय विदेश मन्त्रालयका प्रवक्ता रणधीर जैसवालले भनेका छन् ।
स्थानीय सम्बाददाताहरुको प्रश्नको उत्तर दिँदै जैसवालले भारतले नेपालको नयाँ सरकारसँग मिलेर काम गर्ने तत्परता पनि व्यक्त गरे ।
‘आपसी हितका लागि हाम्रा दुई देश र जनताबीचको बलियो सम्बन्धलाई अझ सुदृढ तुल्याउन हामी नेपालको नयाँ सरकारसँग मिलेर काम गर्न तत्पर छौँ,’ जैसवालले भने ।
विगतमा नेपालको शान्ति, प्रगति र स्थायित्वका लागि सहयोग गरेको जनाउँदै भारतले यो चुनवामा पनि बन्दोबस्तीका सामान सहयोग गरेको उल्लेख गरेको छ।
प्रतिक्रिया