संसद् सचिवालयले बोलायो प्रतिनिधिसभामा प्रतिनिधित्व गर्ने दलहरूको बैठक

काठमाडौं । संघीय संसद् सचिवालयले फागुन २१ को निर्वाचनबाट विजयी प्रतिनिधिसभामा प्रतिनिधित्व गर्ने राजनीतिक दलहरूको बैठक आह्वान गरेको छ।

संसद्का महासचिव पद्मप्रसाद पाण्डेले बिहीबार दिउँसो २ बजे प्रतिनिधिसभामा सिट जितेका दलहरूको बैठक बोलाइएको जानकारी दिएका छन्।

सिंहदरबारस्थित संसद् सचिवालयमा रहेको महासचिवको कार्यकक्षमा आज दिउँसो २ बजे सर्वदलीय बैठक बोलाइएको हो । प्रतिनिधिसभाको आगामी कार्यकालमा हुने संसदीय प्रक्रिया र व्यवस्थापनका विषयमा छलफल गर्न बैठक आह्वान गरिएको संसद सचिवालयका महासचिव पदमप्रसाद पाण्डेयले बताएका छन् ।

निर्वाचनबाट ६ वटा राजनीतिक दल निर्वाचित भएका छन् । निर्वाचित राष्ट्रिय स्वतन्त्र पार्टी, नेपाली कांग्रेस, नेकपा एमाले, नेपाली कम्युनिष्ट पार्टी, श्रम संस्कृति पार्टी र राष्ट्रिय प्रजातन्त्र पार्टीले राष्ट्रिय मान्यता प्राप्त दल बनेका छन् । एक जना स्वतन्त्र सांसद विजयी भएका छन् ।
सचिवालयले आगामी चैत १२ गते नवनिर्वाचत सांसदहरुलाई पद तथा गोपनीयताको शपथ ग्रहण गराउने तयारी गरिरहेको छ ।