कैलाली । निजी बिद्यालयहरुले हरेक वर्ष पाठ्यपुस्तक परिवर्तन गर्दै अभिभावकहरुलाई आर्थिक भार पार्न थालेपछि धनगढी उपमहानगरपालिकाले उपमहानगर क्षेत्रमा संचालित निजी विद्यालयहरुलाई आफुखुसी पाठ्यपुस्तक परिवर्तन गर्न रोक लगाएको छ । उपमहानगरले एक सूचना जारी गर्दै उपमहानगरपालिकाको अनुमति बिना पाठ्यपुस्तक परिवर्तन नगर्न संस्थागत विद्यालयहरुलाई निर्देशन दिएको हो ।
हरेक शैक्षिकसत्रमा पाठ्यपुस्तक परिवर्तन गरी अभिभावकहरुमा थप आर्थिक बोझ पर्न गएको गुनासो आएको भन्दै उपमहानगरपालिकाको पूर्व स्वीकृति बिना पाठ्यपुस्तक परिवर्तन नगर्न संस्थागत विद्यालयलहरुका नाममा उपमहानगरले निर्देशन जारी गरेको हो ।
उपमहानगरपालिकाले सूचनामा पूर्व अनुमति बिना पाठ्यपुस्तक परिवर्तन गरिए प्रचलित कानुन बमोजिम कारवाही गर्ने चेतावनी समेत दिएको छ ।
प्रतिक्रिया