काठमाडौं । सरकारी वकिलको कार्यालयले पक्राउ परेका पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकलाई १० दिनसम्म हिरासतमा राखेर अनुसन्धान गर्न अदालतसँग अनुमति माग गरेको छ।
यो मागमाथि अहिले न्यायाधीश आनन्द कुमार श्रेष्ठको इजलासमा सुनुवाइ भइरहेको छ।
ओली र लेखकका तर्फबाट बहस गरिरहेका वकिलहरूले दुवैलाई थुनामा राखेर अनुसन्धान गर्नुपर्ने आवश्यकता नभएको दाबी गर्दै अदालतमा बहस प्रस्तुत गरिरहेका छन्।
म्याद थपका लागि प्रहरीले लेखकलाई अदालतमा उपस्थित गराएको छ । तर, स्वास्थ्य समस्याका कारण टिचिङ अस्पतालमा रहेका ओलीलाई भने भर्चुअल माध्यममार्फत सुनुवाइमा सहभागी गराइएको छ ।
प्रतिक्रिया