काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछाने विरुद्धको मुद्दा संशोधन गर्ने निर्णयविरुद्ध दायर रिट अब सर्वोच्च अदालतको पूर्ण इजलासमा सुनुवाइ हुने भएको छ।
उक्त रिटमाथि सर्वोच्चका न्यायाधीशद्वय विनोद शर्मा र अब्दुल अजिज मुसलमानको संयुक्त इजलासमा सुनुवाइ भएको थियो। बहसपछि सो मुद्दा पूर्ण इजलासमा पठाउने आदेश भएको सर्वोच्च प्रशासनले जनाएको छ। अदालतले उक्त विषयको थप न्यायिक परीक्षण आवश्यक ठहर गर्दै पूर्ण इजलासमा पेश गर्न आदेश दिएको हो।
यसअघि लामिछानेमाथि सहकारी ठगी प्रकरणसँगै दायर गरिएको सङ्गठित अपराध तथा सम्पत्ति शुद्धीकरणसम्बन्धी अभियोगपत्र फिर्ता गर्ने निर्णयविरुद्ध सर्वोच्चमा रिट दायर गरिएको थियो।
पूर्वमहान्यायाधिवक्ता सविता भण्डारीले लामिछानेविरुद्ध लगाइएका सम्पत्ति शुद्धीकरण र सङ्गठित अपराधसम्बन्धी मुद्दा फिर्ता लिने निर्णय गरेकी थिइन्।
प्रतिक्रिया