काठमाडौँ । नेपाल आयल निगमले अन्तर्राष्ट्रिय हवाई इन्धनको मूल्य बढाएको छ । अन्तर्राष्ट्रिय बजारमा पेट्रोलियम पदार्थको मूल्यमा निरन्तर वृद्धि भए पनि निगमले अन्तर्राष्ट्रिय हवाई इन्धनको मूल्य मात्र बढाएको हो । उपभोक्ताको हितलाई ध्यानमा राख्दै पेट्रोल र डिजेलको मूल्य यथावत् राखेको निगमले जनाएको छ ।
निगमले अन्तर्राष्ट्रिय हवाई इन्धनको मूल्य बढाँदा पेट्रोल, डिजेल, मट्टितेल र एलपी ग्यासको खुद्रा बिक्री मूल्य भने यथावत राखेको छ । हवाई इन्धन आन्तरिक तर्फ अब प्रति लिटर २५१ रुपैयाँ र अन्तर्राष्ट्रिय तर्फ प्रति किलोलिटर १७८५ डलर तोकिएको छ।
यो नयाँ मूल्य समायोजन चैत १८ गते बिहान १ बजेदेखि लागू हुने निगमले जनाएको छ ।
मध्यपूर्वको युद्धका कारण अन्तर्राष्ट्रिय बजारमा मूल्य वृद्धि हुँदा निगमलाई पछिल्लो १५ दिनमा २१ करोड रुपैयाँ घाटा भएको जनाएको छ ।
इन्डियन आयल कर्पोरेसनबाट नयाँ खरिद मूल्य पनि बढेको अवस्थामा निगमले उपभोक्ताको हित र वित्तीय सन्तुलन कायम गर्न यो निर्णय लिएको जनाएको छ ।
प्रतिक्रिया