काठमाडौं । प्रतिनिधिसभामा प्रमुख प्रतिपक्ष दल कांग्रेस र प्रतिपक्ष दल नेपाली कम्युनिष्ट पार्टीले प्रतिनिधि सभाको सभामुख पदमा उम्मेदवार नदिने भएका छन्।
दुबै दलले रास्वपाका तर्फबाट उम्मेदवारी दर्ता गराएका डीपी अर्याललाई समर्थन गर्ने गरि आफ्नो पार्टीको तर्फबाट सभामुखमा उम्मेदवारी नदिने भएका हुन् ।
उपसभामुखमा भने दुबै पार्टीको दाबी रहने बताइएको छ । सभामुख र उपसभामुखको विषयमा अर्को प्रतिपक्षदल नेकपा एमालेले भने अझै आफ्नो धारणा सार्वजनिक गरेको छैन ।
प्रतिनिधिसभामा झण्डै २ तिहाइ संख्या भएको रास्वपाले सभामुखमा उम्मेदवारी दिनु स्वाभाविक भएको बताउँदै नेपाली कम्युनिस्ट पार्टीका प्रमुख सचेतक युवराज दुलालले पार्टीको अर्याललाई नै समर्थन रहने बताए । सहमति भएको अवस्थामा भने उपसभामुखमा नेकपाको दाबी रहने उनले बताए ।
कांग्रेस महामन्त्री प्रदीप पौडेलले पनि उपसभामुखमा कांग्रेसको दाबी रहेको बताएका छन् ।
प्रतिक्रिया