नेपालगन्ज । यातायात व्यवस्था कार्यालय, नेपालगन्जबाट सेवाग्राहीबाट पैसालिएर मध्यस्तता गरिदिने (बिचौलिया) ९ जनालाई प्रहरीले नियन्त्रणमा लिएको छ ।
बाँके प्रहरी प्रवक्ता डीएसपी दिपक पातलीले बिचौलियाको आरोप लागेका ९ जनालाई नियन्त्रणमा लिएर अनुसन्धान थालिएको जानकारी दिए । उनले अनुसन्धान पछि दोष ठहरिए अनुरुप कारबाही हुने बताए ,
प्रहरी नियन्त्रणमा परेकाहरुमा दीपा रोकाय, चन्द्रकला बुढाथोकी, अर्चना पौडेल, नर्मदा बर्मा, संगीता जिसी, नसिम खान, जीवन सत्यल, शुभय सोनी र रबिन थापामगर रहेका छन् ।
बाँकेको नेपालगन्जको यातायात व्यवस्था कार्यालयमा सेवाग्राहीले भर्ने फारम देखि कार्यालयको ढड्डा समेत बिचौलियाको पहुँचमा हुने गरेको गुनासो आएपछि प्रहरी टोलि यातायात कार्यालय पुगेको थियो । सेवाग्राहीले आफै गर्न सकिने कामहरु समेत कर्मचारीहरुले बिचौलियाबाट गराउन बाध्य पार्ने गरेको यातायात कार्यालयमा सेवा लिन पुगेका एक सेवाग्राहीले बताए ।
बिचौलियाले यातायात कार्यालयमा सहजै काम गराई दिने भन्दै सेवाग्राहीसँग रकम लिने गरेको सेवाग्राहीहरुको गुनासो छ । लेखापढी अनुमति पाएका ८ देखि १० जना कार्यालय परिषरमा बसेपनि नेपालगन्ज यातायातमा सयबढी बिचौलिया सक्रिय रहेको यातायात कार्यालय स्रोतको दाबी छ ।
प्रतिक्रिया