काठमाडौं । राष्ट्रिय प्रजातन्त्र पार्टी राप्रपा संसदीय दलका नेता ज्ञानेन्द्र शाहीले राष्ट्रिय स्वतन्त्र पार्टी रास्वपाका सभापति रवि लामिछानेलाई भेट गरेका छन् ।
लामिछानेलाई भेट्न शाही बुढानिलकण्ठस्थित लामिछाने निवास पुगेर शाहीले भेटघाट गरेका हुन् । सो भेटमा एक घण्टा लामो छलफल भएको थियो । भेटपछि शाहीले सामाजिक सञ्जाल फेसबुकमा लामिछानेसँगको तस्बिर सार्वजनिक गर्दै देश निर्माणको अभियानमा सहकार्य गर्दै अघि बढ्ने संकेत गरेका छन्।
उनले विगतका कठिन अनुभवहरूले आफूहरूलाई कमजोर नभई अझ दृढ बनाएको उल्लेख गर्दै अब देश बनाउने साझा अभियानमा अघि बढ्ने प्रतिबद्धता व्यक्त गरेका छन्।
दुवै नेताबीच प्रतिनिधि सभाको उपसभामुख चयनबारे पनि छलफल भएको बताइएको छ। उपसभामुखको चयनमा रास्वपाको समर्थन निर्णायक बन्न सक्ने भएकाले यस विषयमा विभिन्न राजनीतिक दलहरू सक्रिय देखिएका छन्।
हाल उक्त पदका लागि नेपाली कांग्रेस, नेकपा र श्रम संस्कृति पार्टीले पनि दाबी गरेका छन् ।
प्रतिक्रिया