काठमाडौं । प्रतिनिधिसभाका नवनिर्वाचित सभामुख डोलप्रसाद अर्यालले सिंहदरबारस्थित सङ्घीय संसद् सचिवालयमा पदबहाली गरेका छन् ।
आज अपराह्न राष्ट्रपति रामचन्द्र पौडेलबाट पद तथा गोपनीयताको शपथ लिएपछि अर्यालले सभामुखको कार्यभार सम्हालेका हुन्।
पदभार ग्रहण गरेपछि सञ्चारकर्मीसँग कुरा गर्दै उनले सदन प्रतिपक्षीको भएको बताए । उनले एकजना भएपनि प्रतिपक्ष शक्तिशाली हुने बताउँदै भने, “यसपटकको बलियो प्रतिपक्ष नागरिक नै हुन् । प्रतिपक्षमा एकजना मात्रै किन नहोस्, प्रतिपक्ष नै हो । र, उहाँहरू शक्तिशाली (पावरफुल) हुनुहुन्छ ।” आफु तटस्थ र निष्पक्ष भएर सभामुखको गरिमा कायम राख्ने उनले प्रतिवद्धता जनाए ।
सभामुख अर्याललाई संसद् सचिवालयका महासचिव पदमप्रसाद पाण्डेयलगायत उच्चअधिकारीले स्वागत गरेका थिए ।
प्रतिक्रिया