काठमाडौं । नेपाल राष्ट्र बैंकले बैंक तथा वित्तीय संस्थाका लागि बिदा र कार्यालय समयसम्बन्धी नयाँ व्यवस्था लागू गर्ने घोषणा गरेको छ।
राष्ट्र बैंकको मानव संशाधन व्यवस्थापन विभागले जारी गरेको सूचनाअनुसार सरकारको निर्णय बमोजिम अबदेखि हरेक शनिबार र आइतबार सार्वजनिक बिदा हुनेछ। यो व्यवस्था आजैदेखि लागू हुने जनाइएको छ।
वसअघि सरकारले सरकारी कार्यालयहरु तथा शिक्षण संस्थाहरु शनिबार र आइतबार बन्द गर्ने घोषणा गरेको थियो ।
नयाँ व्यवस्थासँगै बैंक तथा वित्तीय संस्थाको दैनिक कार्यालय समय पनि परिवर्तन गरिएको छ।
अब सोमबारदेखि शुक्रबारसम्म कार्यालय संचालन हुनेछन् भने दैनिक कार्यालय समय बिहान ९ बजेदेखि साँझ ५ बजेसम्म हुनेछ । सर्वसाधारणका लागि बैंकिङ सेवा बिहान ९ बजेदेखि अपराह्न ४ बजेसम्म उपलब्ध गराइनेछ।
केन्द्रीय बैंकको निर्देशनपछि वाणिज्य बैंक, विकास बैंक तथा वित्त कम्पनीहरूले आ–आफ्ना संस्थाभित्र नयाँ समय तालिका लागू गर्ने तयारी थालेका छन्।
प्रतिक्रिया