काठमाडौं । नेपाल क्रिकेट संघ (क्यान)ले राष्ट्रिय क्रिकेट टोलीका खेलाडी करण केसीलाई एक खेलका लागि प्रतिबन्ध लगाएको छ । प्रधानमन्त्री कप एकदिवसीय क्रिकेट प्रतियोगिताअन्तर्गत नेपाल पुलिस क्लबबाट खेलिरहेका करणलाई क्यानले आइतबार उक्त कारबाही गरेको हो ।
शनिबार उनले सामाजिक सञ्जाल ‘एक्स’मा खेलाडी र अम्पायरबीच हातपात भए के हुन्छ भन्ने आशयको टिप्पणी गरेका थिए । सोही अभिव्यक्तिप्रति ध्यानाकर्षण जनाउँदै क्यानले अनुशासनात्मक कारबाही गरेको जनाएको छ ।
क्यानले उनलाई एक खेल प्रतिबन्धसँगै शतप्रतिशत म्याच शुल्क जरिवाना तिर्ने निर्णयसमेत गरेको छ । विज्ञप्तिमा अम्पायरप्रति गरिएको अभिव्यक्ति अस्वीकार्य रहेको उल्लेख गरिएको छ ।
हाल प्रधानमन्त्री कपमा सहभागी नेपाल पुलिस क्लब सात खेलबाट चार जित र दुई हारसहित अंक तालिकाको तेस्रो स्थानमा रहेको छ । टोलीको एक खेल भने रद्द भएको थियो ।
प्रतिक्रिया