काठमाडौं । नेपाली कांग्रेसले केन्द्रीय कार्यसम्पादन समिति बैठक बोलाएको छ। वैशाख २ गते बस्ने गरी बैठक बोलाइएको कांग्रेसका कार्यवाहक मुख्यसचिव कृष्णप्रसाद दुलालले जानकारी दिए।
बुधबार दिउँसो २ बजे केन्द्रीय कार्यालयमा बस्ने बैठकमा केन्द्रीय कार्यसम्पादन समितिका पदाधिकारी एवं सदस्यहरूको उपस्थितिका लागि निर्देशानुसार अनुरोध गरिएको उनले बताए ।
कांग्रेसले वैशाख ४ गते संसदीय दलको नेता चयनका लागि कार्यसम्पादन समितिमा छलफल गर्न लागेको छ। निर्वाचन समितिका संयोजक रसाइलीले वैशाख ४ गते कांग्रेसले दलको नेता पाउने बताए।
रसाइलीले वैशाख २ गते निर्वाचनको कार्यतालिका ल्याउने जानकारी दिए । सकेसम्म सहमतिको प्रयास गर्ने र सहमती हुन नसके निर्वाचनमा जाने तयारी गरिएको उनले बताए । ‘सभापतिसहित शीर्ष नेताले सहमतिको प्रयास गर्नुहुन्छ। सहमति नभए चुनावी प्रक्रिया अगाडि बढ्छ।’ उनले भने ।
प्रतिक्रिया