काठमाडौं । नेपालमा हाल पश्चिमी र स्थानीय वायुको आंशिक प्रभाव कायम रहँदा पहाडी तथा हिमाली भूभागमा सामान्य बदली देखिएको छ भने तराई क्षेत्रमा मौसम मुख्यतया सफा रहेको जल तथा मौसम विज्ञान विभागले जनाएको छ ।
विभागका अनुसार कोशी प्रदेशका पहाडी तथा हिमाली भूभागसहित बागमती, गण्डकी र कर्णाली प्रदेशका हिमाली क्षेत्रका एक-दुई स्थानमा हल्का वर्षा तथा हिमपात भइरहेको छ ।
आज दिउँसो कोशी प्रदेशका पहाडी भूभाग र देशका हिमाली क्षेत्रमा सामान्य बदली रहनेछ भने बाँकी पहाडी भूभागमा आंशिक बदली र तराई क्षेत्रमा मौसम मुख्यतया सफा रहने अनुमान गरिएको छ । कोशी प्रदेशका पहाडी तथा हिमाली भूभागका केही स्थान र गण्डकी प्रदेशका पहाडी भूभागसहित अन्य हिमाली क्षेत्रमा मेघगर्जन तथा चट्याङसहित हल्का वर्षा र हिमपातको सम्भावना रहेको छ ।
त्यसैगरी, आज राति कोशी, बागमती र गण्डकी प्रदेशका हिमाली क्षेत्रमा सामान्य बदली रहनेछ भने अन्य पहाडी तथा हिमाली भूभागमा आंशिक बदली र तराई क्षेत्रमा मौसम मुख्यतया सफा रहनेछ । ती प्रदेशका हिमाली भूभागका एक-दुई स्थानमा हल्का वर्षा र हिमपातको सम्भावना रहेको विभागले जनाएको छ ।
प्रतिक्रिया