पाल्पा । गत बैशाख १ गते कालिगण्डकी नदीमा पौडी खेल्ने क्रममा बेपत्ता भएका २ जना मृत अवस्थामा फेला परेका छन् । पाल्पा बगनासकाली गाँउपालिका ७ दैलातुङ स्थित कालीगण्डकी नदीमा पौडि खेल्ने क्रममा अपरान्ह ४ बजेको समयदेखि डुबेर बेपत्ता भएका २ जनाको फरक फरक समयमा शव फेला परेको प्रहरीले जनाएको छ ।
मृत्यु हुनेहरुमा बगनासकाली गाँउपालिका ७ दैलातुङका स्थानीय ३९ वर्षिय शरण भुषाल र २९ वर्षिय तोयनाथ बस्याल रहेका छन् ।
प्रहरीका अनुसार खोजतलास गर्ने क्रममा २ गते बिहान ७ः ५५ बजेको समयमा कालीगण्डकी नदीको बीचमा बस्यालको शव फेला परेको थियो । त्यस्तै घटनास्थल भन्दा अन्दाजी १५० मिटर पूर्व नदीमा तैरिरहेको अवस्थामा भुषालको शव आज बिहान ८ बजे फेला परेको प्रहरीले जनाएको छ ।
प्रतिक्रिया