काठमाडौं । नेपाल भ्रमणमा रहेका अमेरिकी सहायक विदेशमन्त्री समीर पल कपुरले मंगलबार बिहान परराष्ट्रमन्त्री शिशिर खनालसँग भेटवार्ता गरेका छन्।
सिंहदरबारस्थित परराष्ट्र मन्त्रालयमा सम्पन्न उक्त भेटमा नेपाल–अमेरिका द्विपक्षीय सम्बन्धलाई अझ सुदृढ बनाउनेलगायत विषयमा छलफल भएको मन्त्रालयले जनाएको छ ।
साथै सो अवसरमा व्यापार तथा लगानी क्षेत्रमा थप ध्यान केन्द्रित गर्दै सहकार्य विस्तार गर्ने विषयमा समेत कुराकानी भएको थियो ।
तीनदिने नेपाल भ्रमणका क्रममा सोमबार काठमाडौं आइपुगेका कपुरले सोही दिन रवि लामिछाने सँग पनि भेट गरेका थिए। उनको आज अर्थमन्त्री डाक्टर स्वर्णिम वाग्ले सँग भेट गर्ने कार्यतालिका रहेको बताइएको छ।
प्रतिक्रिया