गीता पाण्डे मृत्यु प्रकरण : आफन्तद्वारा अस्पताल घेराउ, चिकित्सकमाथि कारबाहीको माग

बुटवल । चिकित्सकको लापरबाहीका कारण एक महिलाको मृत्यु भएको आरोप लगाउँदै पीडित परिवार र आफन्तले अस्पताल घेराउ गरेका छन् । पाल्पाको बगनासकाली गाउँपालिका-२ निवासी गीता पाण्डेको गर्भपतन गराउने क्रममा आइतबार बुटवलमा मृत्यु भएको हो ।

यो पनि पढनुहोस्

घटनापछि आक्रोशित परिवार र आफन्तले मंगलबार इँटाभट्टी लाइनस्थित खत्री नर्सिङ होम घेराउ गर्दै डाक्टर डीबी खत्रीमाथि कारबाहीको माग गर्दै नाराबाजी गरेका छन् ।

परिवारका अनुसार नियमित स्वास्थ्य जाँचका लागि गएकी गीतालाई खत्री नर्सिङ होमले जोनल फार्मेसीमा रिफर गरेको थियो । त्यहाँबाट इन्दुलेखा स्वास्थ्य क्लिनिकमा पठाइएपछि गर्भपतन गराउने क्रममा उनको मृत्यु भएको बताइएको छ ।

मृतकका श्रीमान् प्रकाश पाण्डेले डाक्टर र स्वास्थ्यकर्मीको चरम लापरबाहीका कारण मृत्यु भएको आरोप लगाउँदै दोषीमाथि कडा कारबाही गर्न माग गरेका छन् ।