काठमाडौं । प्युठानको धार्मिक स्थल स्वर्गद्वारीतर्फ जाँदै गरेको भारतीय तीर्थयात्री सवार जीप दुर्घटना हुँदा एक बालकको मृत्यु भएको छ भने २० जना घाइते भएका छन्।
जिल्ला प्रहरी कार्यालय प्युठानका अनुसार बिहीबार दिउँसो प्युठान नगरपालिका–४ को टाकुरा सडकखण्डमा लु १ ज ३१७५ नम्बरको जीप दुर्घटनामा परेको हो।
भिंग्रीबाट स्वर्गद्वारीतर्फ जाँदै गरेको उक्त जीपमा पाँच बालबालिकासहित भारतीय तीर्थयात्री सवार रहेका थिए। दुर्घटनामा परेर एक बालकको घटनास्थलमै मृत्यु भएको प्रहरीले जनाएको छ।
प्रहरीका अनुसार घाइतेमध्ये अधिकांशको अवस्था गम्भीर रहेको छ। घाइतेहरूलाई थप उपचारका लागि बुटवल पठाइएको छ।
जीप चालक नेपाली नागरिक रहेको र उनी पनि दुर्घटनामा घाइते भएको प्रहरीले जनाएको छ।
प्रतिक्रिया