काठमाडौं । नेपाली कांग्रेसको संसदीय दलको नेता चयनका लागि आज (वैशाख ११) निर्वाचन हुँदैछ । दलको नेता चयन प्रक्रिया सञ्चालन गर्न गठित समितिले बिहीबार निर्वाचन तालिका परिमार्जन गरेको हो ।
परिमार्जित तालिकाअनुसार उम्मेदवारी दर्ता दिउँसो ३ बजेदेखि हुनेछ भने उम्मेदवारी फिर्ता लिने समय ४:३० बजेसम्म तोकिएको छ । मतदान प्रक्रिया साँझ ५ बजेपछि सुरु गरिनेछ ।
प्रतिनिधिसभामा ३८ सांसद रहेको कांग्रेसलाई दलको नेता चयनमा सहमति जुटाउन चुनौती देखिएको छ । आकांक्षी धेरै भएपछि सर्वसम्मतको प्रयास भइरहेको सांसद बासना थापाले बताइन् ।
दलको नेताका लागि अर्जुननरसिंह केसी, भीष्मराज आङदेम्बे, मोहन आचार्य, निश्कल राई र बासना थापाको नाम चर्चामा रहेको छ ।
प्रतिक्रिया