काठमाडौं । सुकुम्बासी बस्तीमा रहेका घरपालुवा तथा बेवारिसे जनावरहरूको संरक्षण र हेरचाहमा विभिन्न संघसंस्थाहरू सक्रिय बनेका छन् ।
स्नेहा केयर, क्याट लगायतका संस्थाहरूले बस्तीमा रहेका जनावरहरूलाई नियमित रूपमा खाना खुवाउने, संरक्षण गर्ने तथा बिरामी परेका जनावरहरूको उपचार गर्ने कार्य गर्दै आएका छन् ।
यस्ता संस्थाहरूले घाइते तथा बेवारिसे जनावरहरूको उद्धार गरी सुरक्षित स्थानमा राख्ने, आवश्यक हेरचाह गर्ने र स्वास्थ्य सेवा प्रदान गर्ने कामसमेत गरिरहेका छन् ।
जनावर कल्याणका क्षेत्रमा काम गर्दै आएका यी संस्थाहरूको सक्रियताले सुकुम्बासी बस्तीका जनावरहरूको जीवनस्तर सुधारमा टेवा पुगेको बताइएको छ ।
प्रतिक्रिया