काठमाडौं । नेपाली कांग्रेसका कार्यसम्पादन समिति र केन्द्रीय अनुशासन समितिको बैठक आज (वैशाख १४) बस्दै छन् ।
कार्यसम्पादन समितिको बैठक बिहान ११ बजे पार्टी केन्द्रीय कार्यालय सानेपामा बस्ने गरी आह्वान गरिएको कार्यवाहक मुख्यसचिव कृष्णप्रसाद दुलालले जानकारी दिएका छन् । बैठकमा समसामयिक राजनीतिक अवस्थासहित पार्टीका विभिन्न विषयमा छलफल हुने जनाइएको छ ।
त्यस्तै, केन्द्रीय अनुशासन समितिको बैठक दिउँसो २ बजे बस्ने तय भएको छ । समितिका सचिव दिनेश थापामगरका अनुसार सो बैठक पनि सानेपास्थित केन्द्रीय कार्यालयमै हुनेछ ।
बैठकमा पछिल्लो समय स्पष्टीकरण सोधिएका नेताहरूका कागजात र सम्बन्धित विषयमा छलफल गरिनेछ ।
अनुशासन समितिका सभापति तारामान गुरुङले पूर्वउपसभापति पूर्णबहादुर खड्कासँग स्पष्टीकरण मागिएको सम्बन्धी पत्रहरू कार्यसम्पादन समितिमा बुझाइसकिएको जानकारी दिएका छन् ।
प्रतिक्रिया