पोखरा। यातायात व्यवसायीहरूको छाता संगठन नेपाल यातायात व्यवसायी राष्ट्रिय महासंघको नयाँ नेतृत्व चयनका लागि मतदान प्रक्रिया सुरु भएको छ।
पोखरामा जारी महासंघको सातौँ राष्ट्रिय महाधिवेशन अन्तर्गत बुधबार बिहान ७ बजेदेखि मतदान कार्य सुरु भएको हो । तीन वर्षको कार्यकालका लागि नयाँ कार्यसमिति चयन गर्न देशभरका १ हजार ५ सयभन्दा बढी प्रतिनिधिहरूले मतदान गरिरहेका छन् । मतदान प्रक्रियालाई सहज, छिटो र पारदर्शी बनाउन विद्युतीय मतदान मेसिन (ईभीएम) को प्रयोग गरिएको छ।
महासंघको केन्द्रिय अध्यक्ष पदका लागि पुण्यप्रसाद सिटौला र हरिशरण केसीले छुट्टाछुट्टै प्यानल सहित चुनावी मैदानमा उत्रिएका छन्। अध्यक्षका उम्मेदवार सिटौला महासंघको वर्तमान कार्यसमितिमा वरिष्ठ उपाध्यक्ष हुन् ।
प्रतिक्रिया