काठमाडौं । सुकुम्बासी बस्तीमाथि राज्यले दमन गरेको आरोप लगाउँदै विभिन्न संघसंस्थाले बुधबार काठमाडौंको माइतीघर मण्डलामा विरोध प्रदर्शन गरेका छन्।
संयुक्त संघर्ष समितिको आयोजनामा भएको प्रदर्शनमा काठमाडौं उपत्यकाका सुकुम्बासी बस्ती हटाउने कार्य, बढ्दो महँगी तथा राष्ट्रिय स्वाधीनतामाथि हस्तक्षेप भइरहेको भन्दै विरोध जनाइएको थियो।
कार्यक्रमलाई सम्बोधन गर्दै नेताहरुले सरकारले विदेशी शक्तिको प्रभावमा परेर भूमिहीन र सुकुम्बासी समुदायमाथि बल प्रयोग गरिरहेको आरोप लगाए। उनीहरुले सुकुम्बासी समस्याको दीर्घकालीन समाधान खोज्नुको सट्टा राज्यले दमनको नीति अवलम्बन गरेको भन्दै यसको विरोधमा नागरिक समाज र मानव अधिकारकर्मीहरू एकजुट हुनुपर्ने बताएका छन्।
सरकारले पछिल्लो समय काठमाडौं उपत्यकाका विभिन्न स्थानमा रहेका सुकुम्बासी बस्ती हटाउने अभियान चलाएको छ। यस्तै, देशका अन्य भागमा पनि भूमिहीन बस्ती खाली गराउने प्रक्रिया जारी रहेको छ।
प्रतिक्रिया