काठमाडौं । प्रतिनिधिसभाको जारी बैठक विपक्षी दलहरूको अवरोधका बीच १५ मिनेटका लागि स्थगित गरिएको छ।
प्रधानमन्त्री बालेन्द्र शाह ‘बालेन’ संसद्मा उपस्थित हुनुपर्ने माग गर्दै विपक्षी सांसदहरूले लगातार विरोध जनाइरहेका थिए। विरोधकै बीच सभामुख डोलप्रसाद (डीपी) अर्यालले बैठकको कार्यसूची अघि बढाएका थिए।
बैठकमा खडकराज पौडेलले संस्कृति, पर्यटन तथा नागरिक उड्डयन मन्त्रालयका तर्फबाट पर्यटन विधेयक २०८२ माथि विचार गरियोस् भन्ने प्रस्ताव प्रस्तुत गरेका थिए। सो प्रस्तावमाथि सत्तापक्षकाका केही सांसदहरूले छलफलमा समेत भाग लिएका थिए। तर, सांसद जगदीश खरेलले रोष्टमबाट भाषण गर्दै विपक्षीहरुलाई होच्च्याउन थालेपछि विपक्षी दलका सांसदहरु थप उत्तेजित भएका थिए ।
बैठकमा होहल्ला र विरोध चर्किंदै गएपछि सभामुख अर्यालले प्रतिनिधिसभा बैठक १५ मिनेटका लागि स्थगित भएको सूचना दिएका हुन्।
प्रतिक्रिया