हेटौंडा । कान्तिलोकपथअन्तर्गत मकवानपुरको बगुवा खोलाको पुलमा ट्रक दुर्घटना हुँदा चालकको मृत्यु भएको छ ।
हेटौँडाबाट ललितपुरमा निर्माणाधीन बागमती जलविद्युत् आयोजनाका सामग्री लिएर त्यसतर्फ गइरहेको ना. ६ ख ४०४२ नम्बरको ट्रक गएराति दुर्घटना हुँदा हेटौँडा उपमहानगरपालिका–३ का ३० वर्षीय दलबहादुर बर्तौलाको मृत्यु भएकोे हो ।
खोलामा डुबेको ट्रक यान्त्रिक सहायताबाट गएराति नै निकालिएको जिल्ला प्रहरी कार्यालयका प्रवक्ता माधव काफ्लेले जनाएका छन् ।
चालकको शव चालक सिटमा नै भेटिएको उनले जानकारी दिए। ट्रकका सहचालकले भने दुर्घटनाअगावै ट्रकबाट हामफालेर ज्यान जोगाएका उनले बताए ।
प्रतिक्रिया