नेपालगन्ज । अत्याधिक गर्मी बढेपछि बाँकेका स्थानीय तहले धमाधम स्थानीय बिदा दिन थालेका छन् । तापक्रम ३८ डिग्री भन्दा माथि पुग्न थालेपछि स्थानीय तहले बिदाको निर्णय गर्न थालेका हुन् ।
आइतबारमात्र कोहलपुर नेगरपालिकाले ३ दिन गर्मी बिदा दिने निर्णय गरेको थियो भने नेपालगन्ज उपमहानगरपालिकाले पनि ३ दिन गर्मी बिदा दिने सूचना सार्वजनिक गरेको छ ।
अत्याधिक गर्मीका कारण विद्यार्थीहरुलाई विद्यालय सम्म आवत जावत गर्न कठिन भई उनीहरुको स्वास्थ्यमा समेत प्रतिकुल असर पर्ने जोखिमका कारण जेठ २६ गतेबाट २९ गते सम्म विद्यालयहरु बन्द गर्ने निर्णय गरिएको उपमहानगरपालिकाले जारी गरेको सूचनामा उल्लेख छ ।
बिदाको अवधिमा गृहकार्य दिएर विद्यार्थीहरुलाई स्व-अध्ययनको व्यवस्थापनमा सहजिकरण गर्न गर्न उपमहानगरले विद्यालयहरुलाई अनुरोध गरेको छ ।
प्रतिक्रिया