काठमाडौं । राष्ट्रिय स्वतन्त्र पार्टी (रास्वपा)को प्रदेश अधिवेशन आजदेखि देशभर सुरु हुँदैछ।
पार्टीका अनुसार प्रदेश अधिवेशनहरू असार १ गतेसम्म सम्पन्न हुनेछन् भने असार ७ देखि ९ गतेसम्म चितवनमा पार्टीको प्रथम राष्ट्रिय महाधिवेशन आयोजना गरिनेछ।
प्रदेश अधिवेशनअन्तर्गत बागमती प्रदेशको पहिलो अधिवेशन आज हेटौंडामा हुँदैछ। अधिवेशनको उद्घाटन पार्टी सभापति रवि लामिछानेले गर्ने कार्यक्रम छ ।
यसअघि रास्वपाले जेठ २३ र २४ गते देशभर जिल्ला अधिवेशन सम्पन्न गरिसकेको छ। प्रदेश अधिवेशनमार्फत चयन हुने नयाँ नेतृत्वले आगामी महाधिवेशनका लागि पार्टी संगठनलाई थप सुदृढ बनाउने अपेक्षा गरिएको छ।
प्रतिक्रिया