काठमाडौं । नेपाल प्रहरीका ५०९ जना प्रहरी निरीक्षक (इन्स्पेक्टर) को सरुवा गरिएको छ । प्रहरी प्रधान कार्यालय, मानव स्रोत विकास विभागले एकैपटक ठूलो संख्यामा प्रहरी निरीक्षकहरूको सरुवा गरेको जनाएको हो ।
प्रहरी प्रधान कार्यालयका अनुसार प्रहरी महानिरीक्षकको जेठ २७ गतेको निर्णयअनुसार सरुवा सूची सार्वजनिक गरिएको हो । सरुवा भएका प्रहरी निरीक्षकहरूले असार महिनादेखिको तलबभत्ता तथा अन्य सेवासुविधा सरुवा भएको दरबन्दीबाट बुझ्ने व्यवस्था गरिएको छ ।
नेपाल प्रहरीमा संगठनात्मक आवश्यकता, जनशक्ति व्यवस्थापन तथा कार्यसम्पादनलाई प्रभावकारी बनाउने उद्देश्यले नियमित रूपमा सरुवा प्रक्रिया सञ्चालन हुँदै आएको छ । यसपटकको निर्णयअनुसार देशका विभिन्न प्रहरी कार्यालय, इकाइ तथा विभागमा कार्यरत प्रहरी निरीक्षकहरूको जिम्मेवारी हेरफेर गरिएको छ ।
प्रहरी प्रधान कार्यालयले सरुवा भएका प्रहरी निरीक्षकहरूलाई तोकिएको दरबन्दीमा समयमै हाजिर भई जिम्मेवारी सम्हाल्न निर्देशन दिएको छ ।
प्रतिक्रिया