काठमाडौं । पत्रकार विनोद ढकाल साइबर अपराधसम्बन्धी मुद्दामा पक्राउ परेका छन् । प्रहरी वृत्त नयाँ बानेश्वरको टोलीले उनलाई काठमाडौंबाट नियन्त्रणमा लिएको हो ।
क्यानडा नेपाल डटकमसहित विभिन्न सञ्चारमाध्यमसँग आबद्ध रहेका ढकालले आफ्नो फेसबुकमार्फत नेपाल प्रहरीका प्रहरी महानिरीक्षक दानबहादुर कार्की तथा इटहरी उपमहानगरपालिकाका मेयर हेमकर्ण पौडेलविरुद्ध विभिन्न टिप्पणी सार्वजनिक गरेका थिए । सोही विषयमा इलाका प्रहरी कार्यालय इटहरीमा उनीविरुद्ध साइबर अपराधसम्बन्धी जाहेरी दर्ता भएको प्रहरीले जनाएको छ ।
प्रहरीका अनुसार सुनसरी जिल्ला अदालतबाट जारी भएको पक्राउ पुर्जीका आधारमा ढकाललाई पक्राउ गरिएको हो । अदालतको अनुमति पश्चात नियन्त्रणमा लिइएका उनलाई थप अनुसन्धानका लागि सुनसरी पठाइएको प्रहरीले जनाएको छ ।
प्रतिक्रिया