काठमाडौं । नेकपा एमालेले पार्टीका उपाध्यक्ष तथा पूर्वअर्थमन्त्री विष्णु पौडेलको पक्राउप्रति आपत्ति जनाएको छ ।
प्रतिनिधि सभाको बैठकमा बोल्दै एमाले सांसद पुष्पराज कँडेलले राजनीतिक प्रतिशोधका आधारमा पौडेललाई पक्राउ गरिएको भन्दै कडा आपत्ति जनाए । उनले पूर्वअर्थमन्त्री पौडेललाई बिना आधार पक्राउ गरिएको दाबी गर्दै तत्काल रिहा गर्न माग गरेका छन् ।
कँडेलले संसदमा बोल्दै निर्वाचनका क्रममा प्रतिस्पर्धी पक्षसँग जोडिएका विषय र वर्तमान प्रधानमन्त्रीलाई गत निर्वाचनमा गाडी उपलब्ध गराएको व्यक्तिसम्बन्धी प्रसंगलाई आधार बनाएर पक्राउ गरिएको भन्ने समाचारहरू आएको उल्लेख गरे । उनले यो कदमलाई गत चैतमा एमाले अध्यक्ष केपी शर्मा ओलीमाथि गरिएको भनिएको प्रतिशोधपूर्ण कारबाहीको निरन्तरता भएको टिप्पणी गरे ।
बैठकमा उनले प्रधानमन्त्रीको अभिव्यक्ति संसदको रेकर्डबाट हटाउनुपर्ने मागसमेत गरेका छन् । साथै राष्ट्रियतासम्बन्धी विषयमा गम्भीर भएर अघि बढ्न सरकारलाई सुझाव दिएका छन् ।
प्रतिक्रिया