सुनको मूल्य केही घट्यो, आज प्रतितोला ९०० रुपैयाँ सस्तो

काठमाडौं । नेपाली बजारमा साताको दोस्रो कारोबार दिन सुन तथा चाँदी दुवैको मूल्य घटेको छ। आइतबारको तुलनामा सोमबार सुन प्रतितोला ९०० रुपैयाँले घट्दा चाँदीको मूल्य पनि प्रतितोला २० रुपैयाँले कमी आएको हो।

नेपाल सुनचाँदी व्यवसायी महासंघका अनुसार आज छापावाल सुन प्रतितोला २ लाख ९० हजार ३०० रुपैयाँमा कारोबार भइरहेको छ। अघिल्लो दिन सुनको मूल्य प्रतितोला २ लाख ९१ हजार २०० रुपैयाँ कायम रहेको थियो।

यस्तै, चाँदीको मूल्य पनि घटेर प्रतितोला ४ हजार ५८५ रुपैयाँमा झरेको छ। आइतबार चाँदी प्रतितोला ४ हजार ६०५ रुपैयाँमा कारोबार भएको थियो।

अन्तर्राष्ट्रिय बजारमा सुन–चाँदीको मूल्यमा आउने उतारचढाव, अमेरिकी डलरको विनिमय दर तथा विश्व आर्थिक गतिविधिको प्रभाव नेपाली बजारमा पनि प्रत्यक्ष देखिने गरेको छ। यही कारण दैनिक रूपमा सुन तथा चाँदीको मूल्यमा परिवर्तन हुने गरेको महासंघले जनाएको छ।