काठमाडौं । सरकारले ट्राफिक नियम कार्यान्वयनलाई कडाइका साथ अघि बढाइरहेका बेला राष्ट्रिय स्वतन्त्र पार्टी (रास्वपा) का सांसद बब्लु गुप्ता ट्राफिक नियम उल्लङ्घन गरेको आरोपमा सामाजिक सञ्जालमा आलोचित भएका छन् ।
सिरहा निर्वाचन क्षेत्र नम्बर १ बाट निर्वाचित सांसद गुप्ताको चलिरहेको मोटरसाइकलमा उभिएर भिडियो खिचिरहेको देखिने एक तस्बिर यतिबेला सामाजिक सञ्जालमा व्यापक रूपमा भाइरल भइरहेको छ ।
भाइरल तस्बिर सार्वजनिक भएपछि सर्वसाधारणले सांसदले नै ट्राफिक नियमको उल्लङ्घन गरेको भन्दै आलोचना गरिरहेका छन् । सामाजिक सञ्जाल प्रयोगकर्ताहरूले सार्वजनिक पदमा रहेका व्यक्तिले कानुनको पालना गर्नुपर्नेमा उल्टै जोखिमपूर्ण गतिविधि गरेको भन्दै प्रश्न उठाएका छन् ।
यद्यपि, उक्त तस्बिर कहिले र कहाँ खिचिएको हो भन्ने विषयमा अहिलेसम्म आधिकारिक पुष्टि भएको छैन । साथै, घटनाबारे सांसद बब्लु गुप्ता वा सम्बन्धित निकायले कुनै औपचारिक प्रतिक्रिया सार्वजनिक गरेका छैनन् ।
प्रतिक्रिया