काठमाडौं । नागढुंगा सुरुङमार्ग सञ्चालनमा ल्याउने तयारी भइरहेका बेला स्थानीयको धर्नामा प्रहरीले हस्तक्षेप गरेको छ।
सरकारले आजदेखि नागढुंगा सुरुङमार्ग सञ्चालनमा ल्याउने तयारी गरेसँगै विभिन्न माग राख्दै नागढुंगा सुरुमार्ग पीडित संघर्ष समितिका सदस्यहरू बलम्ब फ्लाइओभर नजिकै धर्नामा बसेका थिए।
ब्यानरसहित शान्तिपूर्ण रूपमा धर्नामा बसेका प्रदर्शनकारीलाई प्रहरीले हटाएको हो। धर्नास्थलबाट उनीहरूलाई हटाउने क्रममा केहीबेर तनावको अवस्था सिर्जना भएको प्रत्यक्षदर्शीहरूले बताएका छन्।
स्थानीयले सुरुङमार्ग निर्माणका क्रममा प्रभावित बासिन्दाका माग सम्बोधन गर्नुपर्ने, उचित क्षतिपूर्ति तथा अन्य सहमतिहरू कार्यान्वयन गर्नुपर्ने माग गर्दै आन्दोलन गर्दै आएका छन्।
प्रतिक्रिया