काठमाडौं। नेपाली कांग्रेसका वरिष्ठ नेता गोपानमान श्रेष्ठको पार्थीव शरीर श्रद्धान्जलीका लागि पार्टी कार्यालय सानेपामा राखिएको छ ।
श्रेष्ठलाई श्रद्धान्जली दिन कांग्रेस र अन्य दलका शीर्ष नेताहरु, कांग्रेसका नेता कार्यकर्ताहरु सानेपामा भेला भएका छन् ।
राष्ट्रिय स्वतन्त्र पार्टी (रास्वपा) का सभापति रवि लामिछाने, नेपाली कम्युनिष्ट पार्टीका संयोजक प्रचण्ड, राष्ट्रिय प्रजातन्त्र पार्टी राप्रपाका अध्यक्ष राजेन्द्र लिङ्देन लगायतका नेताहरुले स्वर्गीय श्रेष्ठप्रति श्रद्धाञ्जली अर्पण गरेका छन् ।
सिंहदरबारमा देवानगञ्ज घटनाबारे आयोजित सर्वदलीय बैठक सकिएलगत्तै नेताहरु कांग्रेस केन्द्रीय कार्यालय पुगेका थिए। उनीहरुले पुष्पगुच्छा अर्पण गर्दै श्रद्धाञ्जली व्यक्त गरेका थिए।
कांग्रेस सभापति थापाले दिवंगत श्रेष्ठको पार्थिव शरीरमा पार्टीको झण्डा ओढाएर अन्तिम श्रद्धाञ्जली अर्पण गरेका छन्।
नेपाली कांग्रेसका वरिष्ठ नेता गोपालमान श्रेष्ठको मंगलबार ८३ वर्षको उमेरमा उपचारका क्रममा ललितपुरस्थित हेलिअस अस्पतालमा निधन भएको थियो।
कांग्रेसले गत साउन ७ गते श्रेष्ठलाई पार्टीको वरिष्ठ नेताको जिम्मेवारी प्रदान गरेको घोषणा गरेको थियो। उनको पार्थिव शरीरमा श्रद्धाञ्जली अर्पण गर्ने कार्यक्रमपछि आजै अन्त्येष्टि गर्ने तयारी गरिएको कांग्रेसले जनाएको छ।
प्रतिक्रिया