बुटवल । कपिलवस्तुको शिवराज नगरपालिका-५ दक्षिण रहटकोलमा टिपरको ठक्करबाट एक पुरुषको मृत्यु भएको छ ।
जिल्ला प्रहरी कार्यालय कपिलवस्तुका अनुसार बुधबार राति करिब ११ः२० बजे संजीवनी चोकबाट दक्षिण रहटकोलतर्फ जाँदै गरेको ना ८ ख ६३१० नम्बरको टिपरले हालसम्म पहिचान खुल्न नसकेका अन्दाजी ४५ वर्षीय पुरुषलाई ठक्कर दिएको हो ।
दुर्घटनामा गम्भीर घाइते भएका ती पुरुषको ढाड, छाती तथा दुवै खुट्टामा चोट लागेको थियो । उनको प्रारम्भिक उपचार चन्द्रौटास्थित संजीवनी सामुदायिक अस्पतालमा गरिएको थियो ।
अवस्था गम्भीर भएपछि थप उपचारका लागि लुम्बिनी प्रादेशिक अस्पताल, बुटवलमा रिफर गरिएको थियो । उपचारकै क्रममा बिहीबार बिहान करिब २ बजे चिकित्सकले उनलाई मृत घोषणा गरेका प्रहरीले जनाएको छ ।
प्रतिक्रिया