जनकपुरधाम । जिल्ला प्रशासन कार्यालय धनुषाले जनकपुरधाम क्षेत्रमा जारी कर्फ्यु आदेश यथावत् रहेको जनाएको छ । प्रशासनले बिहान ६ बजेदेखि ८ बजेसम्म अत्यावश्यक उपभोग्य सामग्री खरिदका लागि सर्वसाधारणलाई घरबाट बाहिर निस्कन अनुमति दिएको छ ।
प्रशासनका अनुसार कर्फ्यु अवधिमा अस्पताल, औषधि पसल, हवाई सेवा, ग्यास आपूर्ति, पेट्रोलियम पदार्थको ढुवानी तथा बिक्री, एम्बुलेन्स, दमकल, शववाहन, खानेपानी तथा दूध ढुवानीजस्ता अत्यावश्यक सेवा भने नियमित रूपमा सञ्चालन हुनेछन् ।
यस्तै, स्वास्थ्यकर्मी, सरकारी कर्मचारी, सञ्चारकर्मी, रेडक्रसका कर्मचारी, तीर्थयात्री, बिरामी तथा विमानस्थल आउजाउ गर्ने यात्रुले सम्बन्धित निकायबाट जारी परिचयपत्र वा हवाई टिकटका आधारमा आवतजावत गर्न पाउने जिल्ला प्रशासन कार्यालयले जनाएको छ ।
प्रतिक्रिया