जनकपुरधाम । धनुषामा स्थानीय प्रशासनले कर्फ्यु आदेश जारी गरेपछि जयनगर-जनकपुर-भंगहा रेल खण्डमा सञ्चालन हुँदै आएको नेपाली रेल सेवा स्थगित गरिएको छ ।
नेपाल रेल्वे कम्पनी लिमिटेडले शुक्रबार सूचना जारी गर्दै जिल्ला प्रशासन कार्यालय धनुषाले जारी गरेको कर्फ्यु आदेशलाई ध्यानमा राख्दै यात्रुको सुरक्षाका लागि रेल सेवा अर्को सूचना जारी नभएसम्म बन्द गरिएको जनाएको छ ।
कम्पनीका निमित्त महाप्रबन्धक अजयकुमार सिंहद्वारा जारी सूचनामा प्रमुख जिल्ला अधिकारीबाट जारी कर्फ्यु आदेशअनुसार जयनगर-जनकपुर-भंगहा रेल खण्डमा सञ्चालन हुने सम्पूर्ण रेल सेवा स्थगित गरिएको उल्लेख छ ।
कम्पनीले कर्फ्यु आदेश कायम रहेसम्म रेल सञ्चालन नहुने जनाउँदै यात्रुहरूलाई आवश्यक जानकारी लिएर मात्र यात्रा योजना बनाउन आग्रह गरेको छ ।
प्रतिक्रिया