बुटवल । युवामाझ खेल संस्कृतिको विकास, स्वस्थ प्रतिस्पर्धाको प्रवद्र्धन तथा सामाजिक एकता बलियो बनाउने उद्देश्यका साथ बुटवलमा फुटसल प्रतियोगिता हुने भएको छ । बुटवल उपमहानगरपालिकाको संरक्षण, रेडबुलको मुख्य प्रायोजन र फुलबारी गाइजको आयोजनामा चौथौ संस्करणको फुलबारी गाइज फुटसल प्रतियोगिता हुने भएको हो ।
बुटवल–सुख्खानगरस्थित एड्रिक फुटसलमा साउन २९, ३० र ३१ गते हुने प्रतियोगिताको तयारी तिब्र भैरहेको शनिबार बुटवलमा पत्रकार सम्मेलन गरि अध्यक्ष तेजु राना मगरले बताए । फुटसल खेलको विकाससँगै युवाहरूलाई खेलकुदमा सक्रिय सहभागिता गराउने, स्थानीय खेल प्रतिभाको पहिचान र प्रोत्साहन गर्ने तथा स्वस्थ जीवनशैलीको सन्देश प्रवाह गर्ने लक्ष्यसहित खेलकुद गतिविधि संचालन गर्दै आएको उनले बताए ।
पहिलो संस्करणमा ५० हजार रुपैया पुरस्कार राशीसहित शुरु गरेको प्रतियोगिताको राशी वृद्धि भई रु. १ लाख २५ हजार रुपैया बनाईएको उनले बताए । यसैगरि उपविजेता टिमलाई नगद रु. ६० हजार रुपैयाबाट पुरस्कृत गरिने संयोजक सरोज दर्लामीले बताए । यसैगरि विधागत रुपमा सर्वोत्कृष्ट खेलाडी खेलाडीलाई नगद १० हजार, कप तथा उत्कृष्ट गोलकिपर र हाईस्कोररलाई नगद ५-५ हजार रुपैयाबाट पुरस्कृत गरिने उनले बताए ।
टिम दर्ताका लागि २७ गतेसम्म समय रहेको छ । कुल २२ टिम बिच प्रतिस्पर्धा हुने प्रतियोगिता संचालन गर्न करिब १० लाख खर्च हुने अनुमान रहेको उनले बताए ।
कार्यक्रममा बुटवल उपमहानगरपालिकाका प्रबक्ता शिव रानाले युवाहरुलाई एकजुट गरि सामाजिक क्षेत्रमा गाईज निरन्तर लागेको बताए ।
कार्यक्रममा संस्थाका वरिष्ठ सल्लाहकार हसन्त लामा, दिनेश थापाले सफलताको शुभकामना दिए ।
प्रतिक्रिया