काठमाडौं । अर्थमन्त्री डा. स्वर्णिम वाग्लेले आज नेपाल राष्ट्र बैंकका सबै कार्यकारी निर्देशकसँग छलफल गरेका छन् ।
छलफलमा मुलुकको वर्तमान वित्तीय तथा आर्थिक अवस्था, मौद्रिक नीतिको कार्यान्वयन, बैंकिङ प्रणालीका चुनौती तथा अर्थतन्त्रलाई थप चलायमान बनाउने उपायबारे विस्तृत विचार-विमर्श भैरहेको छ ।
अर्थतन्त्रको वास्तविक अवस्था नजिकबाट बुझेका तथा मौद्रिक उपकरण कार्यान्वयनमा प्रत्यक्ष संलग्न रहेका नेपाल राष्ट्र बैंकका कार्यकारी निर्देशकहरूको अनुभव र सुझावलाई नीति निर्माण तथा सुधारका लागि उपयोग गर्ने उद्देश्यले छलफल आयोजना गरिएको मन्त्रालयले जनाएको छ।
अर्थमन्त्री र नेपाल राष्ट्र बैंकका गभर्नर तथा डेपुटी गभर्नरबीच नियमित समन्वय र छलफल हुने गरे पनि, सबै कार्यकारी निर्देशकसँग एकैपटक यस प्रकारको औपचारिक छलफल पहिलोपटक हुन लागेको बताइएको छ। यसलाई सरकार र केन्द्रीय बैंकबीचको नीतिगत समन्वयलाई थप प्रभावकारी बनाउने प्रयासका रूपमा हेरिएको छ।
प्रतिक्रिया