कास्की । कास्कीमा गएराति आएको बाढीले कास्की र पर्वत जोड्ने दुईवटा मेटल पुल बगाएको छ । बाढीले अन्नपूर्ण गाउँपालिका-५ र ६ को सीमास्थित नयाँपुल-बिरेठाँटी सडकखण्डमा पर्ने मोदीखोलाको बीचमा रहेको अन्नपूर्ण माता मन्दिरका दुईवटा मेटल पुल बगाएको हो ।
राति करिब २ः१५ बजे आएको बाढीले पुलसँगै मन्दिरको आधा भागसमेत बगाएको प्रहरीले जनाएको छ । मन्दिरमा रहेका एक पुजारी र दुई भक्तजन गरी तीन जना बाढीका कारण त्यहीँ फसेका छन् ।
फसेकाहरूको उद्धारका लागि सशस्त्र प्रहरी परिचालन गरिएको छ । सशस्त्र प्रहरी बल नेपाल नं. २४ कालिका गण कास्कीबाट चार जना रोप रेस्क्युसहित तीन जना गोताखोरको उद्धार टोली घटनास्थल पुगेको डीएसपी शैलेन्द्र थापाले जानकारी दिए ।
उद्धार टोलीले मन्दिरमा फसेका तीनै जनालाई सुरक्षित स्थानमा ल्याउने प्रयास गरिरहेको छ ।
प्रतिक्रिया