काठमाडौं । सर्वोच्च अदालतको मुद्दा फाँटमा बुधबार बिहान आगलागी भएको छ । आगलागीका कारण महत्वपूर्ण कागजात, कुर्सी, टेबललगायत फर्निचर जलेर नष्ट भएका छन् ।
स्रोतका अनुसार विद्युत् सर्ट भएर आगलागी भएको प्रारम्भिक जानकारी प्राप्त भएको छ । बिहानै विद्युत् सर्ट भएपछि आगलागी भएको र फाँटमा रहेका कागजात तथा फर्निचर जलेको पाइएको हो ।
सर्वोच्च अदालतको नयाँ भवनको भुइँतलामा रहेका २० र २१ नम्बर मुद्दा फाँटमा आगलागी भएको स्रोतले जनाएको छ । आगलागीबाट भएको क्षतिको विस्तृत विवरण भने आउन बाँकी छ ।
यसअघि पनि करिब दुई साताअघि सर्वोच्च अदालतमा आगलागी भएको थियो । त्यसबेला भूमिगत तलामा रहेको कार्यालयमा आगलागी भएको थियो । उक्त घटनाबारे अहिले पनि अनुसन्धान भइरहेको जनाइएको छ ।
प्रतिक्रिया