बुटवलको सुन्दरनगर खानेपानी संस्थाको अध्यक्षमा शंकर परियार निर्वाचित

बुटवल । बुटवल-६ स्थित सुन्दरनगर खानेपानी उपभोक्ता तथा सरसफाइ संस्थाको अध्यक्षमा शंकर परियार निर्वाचित भएका छन् ।

आइतबार सम्पन्न संस्थाको १३ औँ साधारणसभा तथा पाँचौँ अधिवेशनबाट परियार २३२ मत प्राप्त गरी अध्यक्षमा निर्वाचित भएका हुन् । अध्यक्ष पदका अर्का प्रत्याशी रिमकुमारी श्रेष्ठले १६२ मत प्राप्त गरिन् ।

अध्यक्षबाहेक अन्य पदमा भने सर्वसम्मत रूपमा नेतृत्व चयन भएको छ । उपाध्यक्षमा प्रकाश खनाल, सचिवमा शंकर काफ्ले, कोषाध्यक्षमा थर्कराज खडाल र सहसचिवमा विजया पुनमगर चयन भएका छन् ।

त्यस्तै, सदस्यमा राजकुमार गुप्ता, नजिर हुसेन नदाफ, राजु साई, देवी विश्वकर्मा, कमला श्रेष्ठ, सञ्जय बिसी, सीता जोशी, ध्रुवराज खनाल र गिरिराज भुसाल निर्विरोध निर्वाचित भएका छन् ।